مرزة قاسم سامعين بية

السلام عليكم اليوم احب اشاركم الوصفة هاية بالاصل ايرانية وتعتبر من المقبلات لكن اني اعتبرهة اساسية يلة خلي نشوف المكونات منو ميعرف البذنجان المشوي نجيب اربع بذنجانات كبيرة ونشويهن نحطهن بعد التنظيف في قدر تيفال حتى لا يلزم جعب مثل مانكول (يحترك) وبعدين نجيب خمس طماطمايات كبيرة ونثرمهم ناعم وهم نحطهم في قدر حتى ينشف ماية تماما ونسيت اكللكم البذنجان هم نخلية على النار حتى ينشف ماية تماما وبعدين نثرم راسين بصل حلوين وكبار مع اربع فصوص ثوم ونحمسهم اي نشوحهم بعد مايكونو ذبلو طبعا لازم يكون الثرم جدا ناعم نضع عليهم ملعقة اكل ممسوحة يعني مو متللة ونبدي نجمع نحط البذنجان وبعدين الطماطة الي طبعا نشفناهم من ميهم كويس على كولة المصرين ونخلط والزيت مالتة لازم يكون كثير يعني واضح مو ناشف تدرون شنو نخلي فوق الخلطة هاية بيض طبعا نكسر البيضة على الخلطة وبسرعة (اكرندايزر) نخلط البيضة حتى لاتستوي في مكانها وصدكوني كلما اسرعنا الخلط اختفت البيضة وكانها غير موجودة نستخدم ثلاث بيضات الي ماحاب يحط البيض مايفرق اهم شي تترك على نار هادئة لمدة نصف ساعة واللة اكلة بطعم راقي جدا ماتتصوروة اتمنة تجربوة اكلو وادعولي

مبينة حيييييييييييل طيبة عاشت ايدك حبيبتي سيناء

لو تضعين صور كان استمتعنا اكثر


مشكورة

حبيبتي سيناء احنة متعودين اني وعاشقة السيده الزهراء واسية اذا اكو طبخات طيبة نعزم نفسنا كوة يعني غصب

ننتظر ثلاثة اطباق لذيذة من ايديك الحلوات