السلام عليكم
جبت الكم اليوم اشهر اكلات عراقية بسيطة جدا وبنفس الوقت لذيذة اتمنى ان تنال اعجابكم
*********
كباب عراقي قلي بالطاوه بس طعمه جناااااااااااااااان
ومقاديره
وحده كوسايه شجر تبرشيه بالمبراش
وبطاطا 2 تبرشيه بالمبراش
بصله كبيره فرم ناعم
ملح بهار سبع اشكال فلفل اسود
طحين مقدار كوب
لحم مثروم نص كيلو تخلطيهم تصير عجينه
وبعدين تصير مثل ماتشوفون وساعه العصريه وخاصه الي عامله رجيم ومتريد تاكل غير خفايف هذه
الاكله تجنن وطيبه وخفيفه مع شويه رياضه لو مشي بتروح خخخخخخخخخخخخخخخخخ
هذه العجينة الكباب قبل القلي
وهذه السلطه الخاصه اله
هنا سندويشات مع بطاطا مسلوقة ومقلاة بالزيت
البريانيطبعا الرز عادي تطبخي وتكوني مجهزه الحشوه الي هي
بازاليا وبطاطا مكعبات وبصل مفروم ولحم كرات ودجاج شرايح
واي اضافات حسب الرغبه
والبهار
سبع اشكال
كاري
فلفل اسود
وبهار البرياني الخاصه
وتقدري تزيني الرز بالبيض المسلوق والكشمش واللوز
بردا بلالاو
هاي الاكله فيها كل المكسرات والحشوه الي بداخله راس العصفور ودجاج وبازاليا وبطاطا قطع وبصل وبيض مسلوق ومقلي بعد السلق وشتريدين تحشي وتخلطي مع الرز وتقدري تحطي الي ترغبين اله وتلغي الي ماتحبي
والعجينه هي
طحين ومي وملح وتعجينه وتفتحيه بالشيبك تفتحيه كلش هوايه تعمليه مثل القشر وبعدين تحطيه بجدر ( طنجرة) وتفتحيه مثل البقجه وتعبين فيها الرز المشكل بعد انتهائه وتغلقيه العجينه جيدا حتى الرز ميتاثر بالشواء وتلوثي العجينه بالبيض الواجهه وادخليه الفرن حتى العجينه تشوى و تحمص مثل ماشفتيه ومن تطلع مثل الكيكه والطعم العجينه مثل الكاهي مقرمشه وطيبه كثييييييييييير
وتقصيه مثل ماتقصين الكيكه وبالف عافيه على الجميع خخخخخخخخخخخخخخخخخخ ولا تنسين البهارات والهيل مع التمن
شكل الحشوه الرز
الف عافية
